22/06/2006
文： 娛樂小組
自鄭伊健回復單身後，他和舊愛復合傳聞此起彼落，他老友陳小春更揚言若此事屬實，絕對是06年天大喜訊。伊健昨日嘲老友做新聞博宣傳，還想出追女絕世好橋，霸佔報紙A1頭條。
昨日新片《天行者》於西貢香港遊艇會為舉行開鏡禮，鄭伊健、張智霖、周麗淇和黃又南等出席。早前陳小春公開揚言如果伊健與邵美琪復合，那將是06年天大喜訊，伊健聽罷即笑說：「佢真係幾鬼識做新聞，幫朋友之餘又幫自己見報！（你覺得佢借你博宣傳？）唔係，佢真係做宣傳嘛！咁藝人又真係需要宣傳。（咁你㳜係咪真係復合？）唔會回應喇！你問我經理人陳小春啦！佢會幫我答蕂喇。」
望擁遊艇出海
為拍攝一場遊艇戲份，片商特地借來一艘全新遊艇，還同時舉行下水禮；家中擁有私人碼頭的伊健直言希望擁有一艘遊艇，他還笑言要跟張智霖搞公司來賺錢買遊艇，但及後卻轉𡟼說：「都係唔好，又要搵人睇住隻艇咁煩，問朋友借算喇！」有人提議不如追求有錢女更實際，伊健大表認同之餘，還表示不會效法許晉亨登廣告追女，他自有條追女好橋，可以登上報紙頭條。他說：「用架車撞女友架車，之後我再拎紮花跪地求婚，咁咪實上A1頭條！」
另外，周麗淇的手上滿布瘀痕，原來是拍戲受傷之故，她說：「之前我拍一幕講畀人捉冲簕戲，綁到我隻手瘀晒。」而早前與馮德倫的一場咀戲，更被馮德倫的鬚根拮親。
)