01/06/2006
「巴士阿叔」事件中的主角全部曝光，兩名「不鬧不相識」的男主角成為城中名人。慘被辱罵的「四眼仔」何銳熙昨日表明拒絕與陳乙東握手言和，並「祝佢好運」。當得悉陳乙東曾參選特首，更數落「佢對住後生仔已經咁暴躁，邊有能力去管治全港市民」。
何銳熙表示，事件發生後沒想到會再次看見「巴士阿叔」，他坦言：「無咩感覺，惟有祝佢好運。」至於陳乙東表示願意跟他再次握手言和，何銳熙斷然拒絕：「絕對唔會接受，上次握手只係迫不得已，唔會再做一場戲！」
對於陳乙東曾參與九七年、○二年和去年特首選舉，何銳熙感到很驚訝：「如果選佢做特首，香港仲得掂？佢對住後生仔已經咁暴躁，邊有能力去管治全港市民。好彩香港有運行，佢冇資格參選。」
促自我檢討別埋怨人
有報道指陳乙東曾經入獄，失業多年仍找不到工作，所以面對沉重壓力。何銳熙認為陳乙東應自我檢討，不要埋怨別人，「佢應該反省𣈳自己點解會搞成咁，睇𨪛佢真係有好多事情『未解決』。」
何銳熙表示不想再講當時的心情，反而想講當時的想法，「點樣全身而退，保住自己安全，（受傷）咁蝕底就無謂啦！」他直言，由於當時被陳乙東的聲浪嚴重騷擾，故必須要「做番少少�禳A點知效果唔理想」，同時也學會凡事忍讓。他稱，不想再重提舊事，曾有雜誌不合作，既扮客又偷拍，影響其生意，故不想再被人搬出來「做新聞」。
為保生計忍客人惡罵
何續稱，「我做三、四年地產代理，比巴士阿叔更惡的客人我都遇過，明明我無犯錯，都將一切錯處賴在我身上兼粗口問候家人，但為保生計就只有忍，始終客人係米飯班主，所以我遇到巴士阿叔，都係抱唔好將問題放大、要忍的心態。」
對於突然成名，何顯得迷茫。「我覺得針無兩頭利，呢條短片係幫我出冲名，但最後係幫我還是害我，暫時未知……我未知成名對個人有沒有好處，但此時壞處已出現，因為兩天之內已有三十多個記者來找我，我完全做不到生意。」
)