12/06/2006
【本報訊】香港球迷每晚捱更抵夜睇波，翌晨返工自然變成「呆滯熊貓」，但南韓及澳洲球迷就幸福得多，有公司為讓員工安心捧國家隊場，特別更改上下班時間來遷就。
南韓一間木行決定，國家隊與法國及瑞士比賽的日子提早至早上六時上班，下午二時放工，更批准員工在凌晨四時回公司會議室睇波，睇完波才開工，確保員工準時。該公司公關朴先生說：「很多員工會捱眼𠳓到凌晨四時睇波，有人更會喝酒喝到爛醉。提早返工及召集員工回來一起睇波，可防止在工作時發生事故。」
澳洲准員工家中工作
不過，該公司亦有條件，就是南韓隊先要在周二晚對多哥的比賽中獲勝，才會正式實行改變上下班時間計劃。朴先生說：「如果輸了南韓便沒機會出線，後面的比賽也沒必要看。」荷蘭國際集團的南韓分部亦決定，將工作時間改成中午十二時至晚上九時。
澳洲隊三十二年來首次重返決賽周，澳洲球迷當然要捧場，不少僱主除更改返工時間，更容許員工在家中工作，亦有人在賽前連日不放假，貯起來在這個月一起放，專心睇波。
