13/06/2006


【本報訊】香港球迷晚晚睇波夠瘋狂，原來廣州的世界盃熱吹得更盛，球迷為睇波各出奇謀，有人更豪擲二萬元人民幣包下五星級酒店房睇波睇足一個月，貪平的則連時鐘酒店也照租，總之要三五知己一起睇波才有氣氛。

由於球賽多在深夜時分舉行，廣州市政府又規定娛樂場所必須在凌晨二時停止營業，獨自在家睇波既無氣氛又怕騷擾家人，不少球迷為找地方睇波相當頭痛，有人想到去酒店睇波，令酒店出租率上升。當地五星級酒店東方賓館透露，早在個多月前已有兩客人豪氣地租下酒店房整整一個月，由開幕睇到決賽，盛惠二萬元人民幣。無力負擔星級酒店的球迷，惟有合夥租時鐘酒店，幾個人窩在房內睇波，每人只需二、三十元人民幣，相當划算。

作為睇波勝地，廣州的酒吧更是日日爆場，生意大好。百貨公司內的世界盃產品專櫃位亦其門如巿，多款球衣賣斷市，國旗頭巾、吉祥物帽及公仔等銷量亦節節上升。「睇波之寶」如啤酒、薯片、花生、瓜子及公仔麵等也極暢銷，有人更一次過買數箱啤酒。不少球迷也趁機換購新電視，令近期電視銷量急增三成。

的士直播世界盃
此外，廣州巿有千多部的士設有小電視，近日更是晚晚播世盃直播，乘客陳先生說：「雖然沒有聲音，但英格蘭的賽事總算沒錯過。」的士司機也認為，這種播放形式對生意有幫助。