05/07/2008
香港潮僑人多勢眾，仲人才輩出添，政界有人氣局長馬時亨，商界有長實集團主席李超人，各行業都有唔少表表者。早前廣東省副省長萬慶良就趁來港公幹之便，同香港潮州僑領碰碰頭，摸住酒杯底，傾𣈳潮汕地區簕發展，當日香港潮屬社團總會創會主席陳偉南、中南股份有限公司主席莊學山都有出席。
陳偉南話，萬副省長同潮州人好有淵源。佢本人係客家人，但之前做過揭陽市市委書記，唔止識聽潮州話，仲同好多潮領係舊識，仲讚陳主席係潮人之光，氣氛不知幾熟絡。唔講唔知，萬副省長今年只係四十四歲，可能係全國最後生簕省政府領導，認真後生可畏。
莊學山就同萬副省長好好傾，佢話𨪛緊暑假會去北京睇奧運，仲已經有開幕禮入場券添。大家都知京奧開幕禮一票難求，港協暨奧委會會長霍震霆話全港只係分得幾十張，莊生真係有Face。唔講唔知，莊生身為李超人簕舅仔，佢話組團上京，到底包唔包李超人呢？
)